Әлеуметтану пәні

Әлеуметтануды басқа ғылымдармен  байланыстыратын негізгі нәрсе  – ол қоғам туралы жалпы ғылым  бола отырып, оның жалпы даму заңдарын ашып тұжырымдайды. Ал, қоғамның жалпы  даму заңдарына әрбір нақтылы  қоғамдық және гуманитарлық ғылымдар сүйенеді.

Әлеуметтану дың басқа  ғылымдармен байланысының екінші түрі, ол адам туралы, оның іс - әрекетін, қызметін оқып үйренудің, оны жан – жақты  талдаудың, өлшеудің әдістері мен техникасын тұжырымдап қалыптастырды. Бұлар нақтылы  қоғамдық және гуманистік ғылымдарда кеңінен қолданылады.

Әлеуметтанудың басқа  ғылымдармен байланысының үшінші негізгі  түрі – ол нақтылы ғылымдармен  тығыз жақындасып, байланысу арқылы, ғылыми арнайы тұжырымдық база қалыптастырады. Мысалы, экономика ғылымымен тығыз  байланыста болып, экономикалық құбылыс  пен процестерге бірігіп зерттеу  жүргізудің нәтижесінде әлеуметтік экономиканың арнаулы теориясы жасалды. Құқық ғылымымен бірігіп зерттеу  жүргізудің нәтижесінде – құқықтық әлеуметтану; саяси теориямен біріге отырып, саяси әлеуметтану; педагогикамен  біріге отырып, педагогикалық әлеуметтану, тәрбие әлеуметтануы; әдебиет, тіл, көркем өнер ғылымдарымен біріге отырып, әдебиет  әлеуметтануы, тіл әлеуметтануы, көркемөнер әлеуметтануы, т.б. әлеуметтанудың арнаулы  теориялары пайда болды.

Бұл ғылымдардың арнаулы  теориялары, басқаша айтқанда, әлеуметтік теориялар немесе орта деңгейдегі теориялар  деп аталады. Басқа ғылымдардың  әлеуметтанумен тығыз байланысын олардың  әрқайсысының әлеуметтанудың ғылыми категорияларын, қағидаларын, заңдарын, нақтылы әдістерін  кеңінен пайдалануынан байқаймыз.

Екінші жағынан, әлеуметтану  өзінің ой – пікірлерін, теорияларын, тұжырымдамаларын, т.б. толық дәлелдеу және одан әрі дамыту үшін нақтылы  ғылымдардың фактілеріне, деректеріне, тұжырымдарына, т.б. сүйенеді, осылар арқылы ол жаңа қортындылар жасап, орын алып отырған қайшылықтарды жұмсарту немесе жою жолдарын, жалпы қоғамның даму тенденцияларын анықтайды. Сөйтіп қоғамды басқарудың тиімділігін  арттырады.                        

2.1 Әлеуметтік қоғам

Әлеуметтік қоғам –қоғамдық еңбек бөлінісіне, өндіріс күштерінің және өндірістік қатынастардың деңгейіне байланысты қалыптасқан қауымдардың тұтастығы және олардың өзара тұрақты қатынастары. Әлеуметтік құрылым қатарына халықтың жас шамасына, жынысына, ұлтына, кәсібіне, жеріне т. б. ерекшеліктеріне байланысты шоғырланған топтары жатады. Әлеутеттік-таптық құрылым таптардан және сол таптардың құрылымына енбейтін әлеуметтік топтардың жиынтығынан тұрады.Еңбектің қоғамдық бөлінісі мен өндіріс құрал-жабдықтарына меншіктік қатынас әлеуметтік құрылымның негізі болып табылады. Еңбектің қоғамдық бөлінісі негізіне әлеуметтік қауымдықтар қалыптасады. Меншіктік қатынас қалыптасқан әлеуметтік құрылымды экономикалық тұрғыдан негіздейді.Қазіргі қоғамда әлеуметтік құрылымның дамуында екі негізгі үрдісті атап кетуге болады. Біріншісі, қоғамдағы дифференциациалау процестерінің белсенді түрде жүруі мен жаңа әлеуметтік топтардың пайда болуымен ерекшеленеді. Екіншісі, әлеуметтік құрылымның дамуына тікелей ықпал тигізетін дүниедегі экономика саласындағы интеграциалық процестер.

 Мемлекет өзінің әлеуметтік саясатында бұл процестерді үнемі ескеріп отыру керек. Мұндай саясат барлық әлеуметтік топтар арасындағы қатынастарды реттеуге, олардың мүдделерін үйлестіруге негізделген. Ең бастысы — әлеуметтік әділеттілік принциптерін сақтай отырып олардың тұрақты өмір сүруіне жағдай жасаумен әл ауқатың көтеру. Әрине, бұл проблемаларды шешу онай емес.  Әлеуметтік қауымдарға таптар, стратылар, кәсіби және салалық топтар, ұлыстар, ұлттар, ұлтаралық және аймақтық қоғамдастықтар, демографиалық топтар, адамдардың қалалық және ауылдық өмір сүру формалары, еңбектік, жанұйалық және т.б. құрылымдар жатады. Әлеуметтік қауымдар өте күрделі ұйымдасқан, өз кезінде бір-бірімен тығыз өзара байланыста және өзара әрекеттестікте болатын әр түрлі әлеуметтік топтар мен құрылымдардан тұрады. Даму процесінде олардың құрамы саны және сапасы жағынан өзгереді, жаңа қауымдықтар пайда болады, әлеуметтік мобильділік арта түседі. Бұл өзгерістердің бағыты көп жағдайда қоғамның дамуын белгілейді. Адамдардың санына қарай әлеуметтік қауымдар  үлкен (таптар, ұлттар, кәсіби және салалық топтар және т.б.), орташа (аймақтық қауымдар, өндірістік ұжымдар және т.б.), кіші (жанұя және т.б.) болып үш топқа бөлінеді.Қоғамның әлеуметтік құрылымы тарихи ұғым болып табылады. Әрбір жеке қоғамның белгілі бір әлеуметтік құрылымы болады. Мәселен, алғашқы қауымдық құрылыстың ру –тайпалық ұйымдасуы болды, онда ру еңбектік және жанұялық ұжым ретінде, сол секілді, әлеуметтік- этникалық қауым формасы ретінде қызмет атқарды. Құлиеленушілік қоғамда құлдар мен құлиеленушілер таптары, кәсіби топтар пайда болды, этникалық қауым формасы ретінде халықтық қалыптасты, моногамды семья дүниеге келді. Феодализм дәуірінде негізгі таптар – феодалдар мен шаруалар болды. Капитализм дүниеге буржуазиа мен жұмысшы табын әкелді.

Әлеуметтік мобильділік әлеуметтік құрылымның қызмет етуінің аса маңызды  жағы болып табылады. Әлеуметтік мобильділік  дегеніміз адамдардың бір әлеуметтік топтан басқа бір топқа өтуі. Мәселен, шаруа ауылдық жерден қалаға көшіп  барып зауытқа жұмысқа орналасса, онда, ол қала тұрғынына, басқа таптын, кәсіби топтын өкіліне айналады. Әлеуметтік мобильділік әлеуметтік қауымдықтар  арасында және олардың ішінде жүреді. Әлеуметтік мобильділікті зеттеудің  мемлекеттік маңызы бар. Қоғамдағы  әлеуметтік тұрақтылық пен тиісті динамиканы сақтау мақсатында ондағы әлеуметтік қозғалыстарды, олардың себептері  мен негізгі бағыттарын толық  түсінуіміз керек.

Таптар және олардың әлеуметтік байланыстар жүесіндегі алатын орны. Қазіргі қоғамды әлеуметтік дифференциалаудың (жіктеудің) негізгі концепциалары.Таптар үлкен әлеуметтік қауымдықтар ретінде әлеуметтік құрылымның маңызды буыны болып саналады.  Қоғамдық таптар туралы ілім маркстік кезеңге дейін пайда болды. Бірақ мұндай концепциялардың көптеген кемшіліктері болды.  К. Маркстің бұл ілімге қосқан жаналығы, ол, таптардың өмір сүруін өндірістің белгілі бір тарихи даму кезеңдерімен  байланыстырды.Адамдар арасындағы айырмашылықтар ішінде таптық дифференциация қоғам үшін негізгі болып табылады, себебі ол өндіріс саласында қоғамдық  еңбек бөлінісі мен өндіріс құрал- жабдықтарына жеке меншіктің шығуы негізінде пайда болады. Таптар қосымша өнім мен еңбек бөлісі жұмыс күшін қанауды экономикалық тұрғыдан тиімді ететін өндіріс сатысында пайда болады. Қоғамның таптық құрылымын талдаудың маңызды методологиялық мәнісі бар, себебі ол әлеуметтік үлкен топтардың нақтылы экономикалық мүдделерін айқындауға, әртүрлі әлеуметтік қозғалыстардың нақтылы мәнің түсінуге, ғылыми негіздегі саясатты айқындаудың жолын білуге мүмкіндік береді.   Марксизм философиясында таптардың біршама толық ғылыми  анықтамасын берген В.И. Ленин болды.  «Таптар деп, - деді ол, - адамдардың қоғамдық өндірістің белгілі бір тарихи жүйесінде алатын орнына қарай, олардың өндіріс құрал-жабдықтарына деген (көбінесе заң түрінде тұжырымдалған, бекітілген)қатынасына қарай, еңбектің қоғамдық ұйымдасуында атқаратын рөліне қарай, ал олай болса, қоғамдық байлықтан олардың алатын үлесіне және оны алу тәсіліне қарай айырылатын үлкен топтарын айтады ».Бұл анықтамада В. И. Ленин тап құрастырудың  төрт негізгі белгісін атап көрсетті. Бұл белгілерді жеке қарастырудан бұрын, келесі жайттарға назар аударайық. Біріншіден, В. И. Ленин таптарға үлкен әлеуметтік топтарды жатқызды. Бұл – олардың текті белгісі, өйткені, қоғамда басқа  да  жастық, этникалық, кәсіби және т. с. с. үлкен топтар бар. Екіншіден, таптарды сипаттағанда бұл белгілермен шектелмейміз, таптардың саяси және психологиялық ерекшеліктерін назардан тыс қалдырмауымыз керек. В. И. Ленин таптардың басты төрт экономикалық белгілерін көрсетумен шектелді, өйткені олар алғашқы, базистік, ал саяси, психологиялық және т.б. белгілері қондырмалық, екінші  болып табылады. Үшіншіден, таптардың барлық белгілерін олардың өзара  бірлігінде, жүйесінде қарастырамыз. Бірде- бір белгі жеке алып қарастырғанда таптарды толық сипаттай алмайды. Ал енді бұл белгілерді жеке қарастырайық. 1. Таптың қоғамдық өндірістің белгілі бір тарихи жүйесінде алатын орны. Бұл орын не қанаушы, не қаналушынікі болмақ. 2. Өндіріс құрал- жабдықтарына деген қатынасы екі түрлі болуы мүмкін. Таптық қоғам тарихында өндіріс құрал- жабдықтарына толығымен ие болған және ондай мүмкіндігі болмаған таптарды білеміз. 3. Еңбектің қоғамдық ұйымдасуында атқаратын рөлі де  әр түрлі болуы мүмкін. Тарихта бір таптар өндірістің ұйымдастырушысы және басқарушысы болып рөл атқарса (құл иеленушілер, феодалдар, буржуа), ал басқалары тек орындаушы (құлдар, крепостнойлар, пролетарийлер ) рөлінде болды. 4. Қоғамдық байлықтан олардың алатын үлесі еңбектік және еңбектік емес болады, оның мөлшері де әр қалай болады. Таптарды анықтауға белгілер жүйесін қолданамыз дедік. Сонда, Ленин келтірген төрт бегінін ішіндегі ең бастысы, шешушісі болып табылатыны не? Таптын белгілері жүйесіндегі мұндай рөлді атқаратын екіншісі - өндіріс құрал – жабдықтарына деген қатынасы. Өндіріс құрал – жабдықтарына деген қатынасы, басқаша айтқанда, меншіктік қатынасқа қарай таптардың қоғамдық өндірістегі орны мен рөлі айқындалады, сондай–ақ табысының мөлшері алу тәсілі де соған байланысты болады. Қысқасы, таптардың қоғамдық топ ретінде шығуының себебі қоғамдық өндіріс тәсілінің дамуында жатыр. Жеке меншікке негізделген әрбір жеке формацияда негізгі және негізгі емес таптар болады. Негізгі таптар – сол қоғамның өндіріс тәсілі тудырған және өздерінің өзара қатынастарымен сол өндіріс тәсілінің мәнің, оның негізгі қайшылығын айқындайтын, жүзеге асыратын таптар. Мұндайларға құл иеленушілер мен  құлдар, феодалдар мен крепостнойлар, буржуа мен жұмысшылар жатады. Әрбір таптық экономикалық формацияда негізгі емес таптар да бар. Олар бұрынғы таптардың қалдықтары немесе жаңа өндіріс тәсілінің бастамалары болып табылады. Мәселен, құл иеленушілік қоғамда ерікті азаматтар мен қолөнершілер болды. Капитализм жағдайында мұндайларға шаруаларды жатқызуға болады. Негізгі таптар арасындағы қатынастар антагонистік сипатта болады, сондықтан оларды антагонист- таптар деп атаймыз. Негізгі және негізгі таптар арасындағы қатынастар біркелкі емес болды. Мәселен, капитализм дәуіріндегі  буржуазиа мен жұмысшы тап арасындағы таптық қайшылық антагонистік болса, онда шаруалар мен жұмысшы тап арасындағы қайшылық антагонистік емес сипатта болды. Таптардың қатынастары мен олардың арасындағы қайшылықтар біртұтас жүйе болып табылады. Бұл жүйеде келесі қатынастарды ажыратуға болады:

1.Өндіріс құрал- жабдықтарына меншіктік жөніңдегі қатынастар және тікелей өндіріс, тарату, айырбастау және тұтыну жүйесіндегі туындайтын таптар арасындағы қатынастар (экономикалық қатынастар);

2. Мемлекеттік билік пен мемлекеттік басқару жөніңдегі таптар арасындағы қатынастар (саяси қатынастар);

3.Құқықтық тәртіп жөніңдегі  таптар арасындағы қатынастар (құқықтық қатынастар);

4.Өнегелік (адамгершілік) нормаларды жүзеге асыруға байланысты таптар арасындағы қатынас (өнегелік қатынастар);

5. Идеологиалық, көркемдік және басқа рухани құндылықтарды жасау мен тұтынуға байланысты таптар арасындағы қатынас (тар мағынасындағы  рухани қатынастар).Қоғамның әлеуметтік құрылымына талдау жасағанда теқ қана тап аралық емес, сондай-ақ таптың ішіндегі айырмашылықтарды ескеру керек. Таптардың ішінде әр түрлі қабаттарды, құрамдас бөлімдерді, отрядтарды айыру олардың қоғамдық болмысы мен мүдделерін анық түсінуге және олардың әлеуметтік және саяси жағдайын жорамалдауға мүмкіндік береді. Тарихи тәжірибе көрсеткендей, шынайы әлеуметтік дүниеде  мұндай қайшылықтар өте маңызды болып табылады (қаржы капиталы мен өнеркәсіпшілер арасында, кіші бизнес пен корпорациялар  және т. б. арасындағы қайшылықтар).

Әлеуметтік қатынастарды зерттеу  негізіне байланысқа түскен объективті қалыптасқан әлеуметтік байланыстар  мен фактілер құрылымын зерттеу  жатады. Қоғамда шексіз көп әртүрлі  әлеуметтік жүйелер бар. Осындай  байланыстардың елеулі бөлігі уақытша  және кезекті сипатқа ие болады. Әлеуметтанудың ғылым ретінде ерекшелігінің  мәні, әлеуметтік қатынастар және байланыстар  әлеуметтік заңдар мен зандылықтар  деңгейінде зерттеледі.

Әлеуметтік заң – бұл әлеуметтік заңдар мен құбылыстардың, ең алдымен, адамдардың әлеуметтік әрекетінің байланысы  немесе олардың өзіндік әлеуметтік әрекеттерінің жалпы және қажетті  байланыстарын айқындауы.

Әлеуметтік заңдар тек үлкен  адам бұқарасы қамтылған жағдайда ғана айқындалады және статистикалық  сипатқа ие болады.

Қоғамның ұйымшылдық деңгейі

Қоғам – бұл деңгей бойынша ұйымдастырылған  жүйе. Олардың өзара қатынас спецификасын ашатын және деңгейлерін тіркейтін, әлеуметтану пәнінің маңызды  аспектілерінің бірі болып саналады. Әлеуметтануда қоғамның құрылысын  социеталды деңгей деп атайды.

Келесі деңгей – бұл әлеуметтік институт. Әлеуметтік институт тек  материалдық түрдегі мекеме ғана емес, ол ең алдымен, адамдар тобының  іс-әрекетінің түрақты ұйымдасқан формасы. Әлеуметтік институт – бұл мемлекет, шіркеу, жанұя, ғылым, білімберу және т.б. Әлеуметтік институттың институт қызметінің тұрақтылығына жәрдемдесетін  өзіндік ұйымы мен арнайы дайындалған  адамдары бар. Қоғам ұйымшылдығының ерекше деңгейіне әлеуметтік қауым  жатқызылады. Оларды зерттеу – «стратификация»  түсінігімен сипатталатын, әлеуметтік білімнің ең негізгі динамикалық  аймағы болып табылады .

Жеке адам деңгейі. Жеке адам, тұлға  ең күрделі және қарама-қайшы білім  беру ретінде айқындалады,- «Бір адамзат  жанының тарихы біртұтас халықтың тарихынан  бай”. Әр деңгей өзінің мәдениетіне, өзінің әрекет тәсілдеріне, белсенділік шегіне ие болады.

Әлеуметтік ғылымның деңгейлері

Әлеуметтік ғылым дегеніміз  не және оның деңгейі қандай? деген  сұрақтың жауабы әлеуметтану пәнін  түсіну мен оны зерттеу ерекшелігінен  айқындалады. Егер әлеуметтануды –  әлеуметтік қауымдар, олардың арасындағы әлеуметтік қатынастар, әрекеті мен  бұқаралық тәртібі жөнінде ғылым  деп саналса, онда әлеуметтік білім  әлеуметтік қауымдастықтар мен олардың  қалыптасу мен даму механизмнің  білімі ретінде белгіленеді. Осы  мәселелерді шешу көбінесе жалпы  ғылыми және айрықша әлеуметтік әдістер  арқылы жүзеге аасырылады. Әлеуметтану  ғылымының 3 деңгейі ажыратылады:

1) жалпы әлеуметтік қағида;

2) арнайы әлеуметтік қағида;

3) нақты әлеуметтік зерттеу (эмпирикалық  зерттеу) – бұл әлеуметтік  білімнің эмпирикалық деңгейін  белгілейді. Бұл деңгейлер әлеуметтік  білімнің вертикальды білім срезін  құрайды. Көлденең срезі қоғамның  жеке өмір әрекет салаларын  зерттейтін, салалық әлеуметтанудың  саның құрайды.

Мұндай оқу жолын 20-шы жүзжылдықтың 60 жылдары американ социологы Р.Мертон ұсынды және әлеуметтік білімнің 3 деңгейін құрастырды: әлеуметтік қағиданың кең  деңгейі, орташа ранг қағидасы және соңғысы  күнделікті зерттеулерден пайда  болатын кіші жұмыс гипотезасы. Мертон бойынша, «орташа деңгей” қағидасы жалғыз жүзеге асатын және көңіл бөлуге тұрарлық қағида. Бұл қағида негізгі  анализ дәрежесі ретінде Мертон үшін, индивид пен қоғамдық құрылым  арқылы жүзеге асатын, әлеуметтік топ  болып шықты. Мертонның әртүрлі  қағидасының анализі мен мұқият сипаттауы нәтижиесінде, 60-70-шы жылдары  үш деңгейлі білім концепциясы құрастырылды. Бұл концепцияның дамуы негізінде  өз кезекте әлеуметтік ғылымның екінші деңгейі жөнінде көрініс толықтырыла  бастады.

Әлеуметтік білімнің осындай өзіндік  ажыратылуы әлеуметтану пәнінің  түсінуінен айқындайтын өз тарихы бар. Ғылым дамуының әр кезеңінде белгілі  өзгерістерге ұшырауы, әлеуметтану  пәнінің әдістері мен атқаратын  қызметтері жаңаша түсіндіріліп жатты. Конт заманында әлеуметтану макроәлеуметтану түрінде дамыды, бұл әлеуметтік білімнің жалпы қағидалық білімге бағыттауы, қоғамды тұтас ағза ретінде сипаттауда назардың шоғырлануын белгілейді. 20 ғасырда микроәлеуметтанудың қалыптасуы, нақты құбылыстарды анализдеуде  қағидалық сипаттаулардан әлеуметтік – психологиялық және социометрлік әдістерді қолдану арқылы эмпирикалық  зертеулерге көшу белгіленді.

Мертонның әлеуметтану қағидасы макро  және микроәлеуметтанудың бірігуін көздеді. Сондай-ақ, бұл екі деңгейден  басқа әлеуметтанудың негізгі мақсаты  мен бағытына байланысты, қағидалық  және қолданбалы деңгейді ажыратады.

2.2 Әлеуметтанулық зерттеулердің құрылымы және үрдістері.

Қоғамдық өмірдегі нақты  фактілерді жинау және талдау социологиялық  зерттеулерде қолданылатын арнайы кешенді  әдістердің көмегімен жүзеге асырылады. Социологиялық зерттеудің мақсаты  әлеуметтік процестерді, әлеуметтік даму заңдылықтарын, олардың нақты көрінуі  тереңірек зерттеу болып табылады. Өззінің ерекше әдістерін  басқара  отырып, эмперикалық  социология процестер мен құбылыстардың  мәнін теориялық тұрғыдан тануды  толықтыра түседі. Социологиялық зерттеудің эмперикалық сатысы  әр  жақтылық  пен  алуан  түрлілік,  жекелік және кездейсоқтық  сақталатын әлеуметтік  шындықтың  бейнесін  береді.  эмперикалық талдау теориялық  білімнің  бастаук  көзі  және  негізі  болып табылады,  ол  қоғамдық  құбылыстар  мен процестердің  теориялық тұрғыдан  талдауға  жол ашады.

        Социологиялық   зерттеу - нақты  теориалық   және  әлеуметтік  проблемаларды   шешу  үшін  зерттелетін  объекті   жөнінде  жаңа  білім  алуға   мүмкіндік  беретін  теориалық   және  эмперикалық  рәсәмдер  жүйесі.

        Социорлогиялық  зерттеуде  ғылыми  қызметтің   мынадай  элементтері бар;

                 а) зерттеу  объектісі -  әлеуметтік  шындық  процестері  мен  құбылысы;

                 ә) зерттеу субъектісі;

                 б) социологиялық  зерттеу белгілі  - бір мақсатқа  жетуге  және  нақты  міндеттерді  шешуге  бағытталған;

                 в) міндетті шешу  құралдары  - әдістер, ұйымдастыру іс-шаралары  т.б бар

       Социологиялы  зерттеу түрлері мыналарға   байланысты:

               1. Мақсаты және  теорилық бағдары.  Мұнда олар:

                  а) статистикалық; б) тәжірибелік;  в) типалогиялық; г) тарихи  болуы   мүмкін; д) кейбір  таңдамалы   оқиғаларды  зертеу мақсатында  жүргізілуі  мүмкін ( монографиялық   сипаттама).

               2. Социологиялық зерттеудің  екінші  бір  түрлері; материалды  таңдау  әдісі. Мұнда  олар; а) барлау ( сынау, пилотажды, зондажды ) б)  сипаттамалық ( сарапшылардың  сауалнамасы,  мақсаты сипаттама, объекті   туралы  түсінік ); в) талдамалық  ( себептік  байланыстарды  сипаттау  және анықтау ) болуы мүмкін.