Адамзат әрқашан

Бірінші ретте өтініш берушінің  сапа жүйесін сертификаттауға дайындығын алдын ала бағалау үшін комиссия ұсынылған құжаттарды талдайды. Бұл  рет екінші реттегі жұмысты өткізуге болатыны туралы жазбаша қорытынды  шығарумен аяқталады. Тексеру кезінде  анықталған сәйкессіздіктер елеулі және елеусіз болып екіге бөлінеді. Елеулі сәйкессіздік - сапа жүйесінің кейбір элементінің немесе элемент бөлігінің болмауы, қолданбауы немесе толық бұзылуы, не сапа жүйесіне қойылған нормативтік талаптардан ауытқуы, мұндай кезде бұл ауытқуды жою мәселесі кәсіпорынның ұйымдың құрылымын өзгертеді, көптеген материалдық шығындарды, ұзақ уақытты қажет етеді және ол өнімнің сапасына елеулі әсер етеді. Елеусіз сәйкессіздік - кәсіпорынның ұйымдың құрылымымен, көптеген материалдық шығындармен байланысы жоқ, тек белгіленген талаптарды орындауда байқалатын бірен-саран кемістіктер, не сапа жүйесіне қойылған нормативтік талаптар бойынша басқадай ауытқулар және олар сапа жүйесін бағалау жөніндегі комиссия жұмысының барысында, не олардың анықталған кезінен бастап бір айдың ішінде жойылады. Сапа жүйесін тексеру мен бағалаудың нәтижелері мына түрлерде болуы мүмкін:

• сапа жүйесі толығымен стандарттарға сәйкес;
• сапа жүйесі негізінен стандарттарға сәйкес, бірақ та жүйе элементтерінен елеусіз сәйкессіздіктер анықталған;
• сапа жүйесінде елеулі сәйкессіздіктер орын алған.

Егер елеулі сәйкессіздіктер  болмаса немесе 10 не одан аз елеусіз  сәйкессіздіктер анықталса, сапа жүйесі стандарттарға сәйкес табылады. Бір  елеулі сәйкессіздік болса немесе 10-нан  астам елеусіз сәйкессіздіктер  анықталған болса, онда сапа жүйесі стандарттарға  сәйкес емес деп табылады. Сапа жүйесін  сертификаттауға ұсыну туралы шешімді  тексеру және бағалау нәтижелері бойынша жасалған актілер негізінде  бас сарапшы қабылдайды. Егер сертификаттау  мүмкін деп табылса, онда сертификаттау  органы сәйкестік сертификатының жобасын  және сәйкестік белгісін қолдануға  берілетін лицензияның жобасын  жасайды. Осы құжаттар мемлекеттік  сертификаттау жүйесі белгілеген тәртіппен  тіркеуден өткізіледі. Осымен қатар  сертификаттау органы инспекциялық тексеру жүргізу жөнінде мекемемен  келісім жасайды. Инспекциялық тексеру (3-ші ретке сәйкес) сапа жүйесінің  сәйкестік сертификатының күшінде  болу мерзімінің ішінде жүргізіледі. Сертификаттың  күшінде болу мерзімінің ішінде сапа жүйесінің барлық элементтері кем  дегенде бір рет тексерілуі керек. Сертификатталған сапа жүйелеріне бақылау  жүргізу жоспарлың және жоспарсыз  болуы мүмкін. Жоспарлық инспекциялық тексерудің кезеңділігін сертификаттау  жөніндегі орган анықтайды, бірақ  ол жылына бір реттен кем болмауы  керек. Инспекциялық тексеру кезінде  анықталған елеусіз сәйкессіздіктерді  жою жөніндегі кәсіпорынның түзету жұмыстарын жүргізуі туралы, сапа жүйесінің  тексерілетін элементтерінің сәйкестігі немес сәйкессіздігі және басқадай инспекциялық тексеру объектілерінің нақтылы жағдайы туралы көрсетіледі. Инспекциялық тексерудің нәтижелері сапа жүйесінің сәйкестік сертификатының күшін дәлелдеу, тоқтата тұру немесе жою мүмкіндігі туралы шешім қабылдауға негіз болады. Э.Деминг: «Сапа - 98% мөлшерінде сапа жүйесіне, 2% мөлшерінде адамдарға  байланысты» деген болатын. Мұның  дәлелі ретінде өндірісі дамыған  елдерде орын алып отырған бәсекелестің өнімнен сапа жүйелеріне ауысуын  келтіруге болады. ИСО 9000 сериялы  стандарттарына сәйкес құрылған сапа жүйелерін қолданушылардың айтарлықтай  жетістіктеріне қарамастан, өндірісте TQM (жалпыға бірдей сапа менеджменті) принципі негізінде қалыптастырылған сапа жүйелерін қолдануға көп көңіл бөлінуде. TQM негізінде қалыптастырылған жүйеге мыналар тән:

• сапаны жақсарту жұмыстарына бүкіл қызметкерлер мен жұмысшыларды, қажетті шикізатты дайындаушыларды және тұтынушыларды жұмылдыру;
• сапаны жақсарту жұмысын тұрақты түрде жүргізіп отыру, мысалы зақымдалған өнім мөлшерін ең кіші деңгейге жеткізу ( Імлн. өнім ішінен тек қана 100-10 зақымдалған өнім);
• өнімнің өзіндік құнын азайту;
• TQM-ның бағыт ерекшеліктері оның өнімнің рыноктағы бәсекелестігін арттыруды басқаруға лайықты екенін көрсетеді.

ИСО 9000 сериялы стандарттарының 2000 жылы шыққандарында TQM-ның кейбір принциптері ескерілген. Бұл жаңа стандарттар 14000 сериялы (қоршаған ортаны басқару жүйесі) стандарттарымен  үйлестірілетін болады

Қорытынды    

ХХІ ғасырдың басында 2015 жылға дейінгі  индустриалды – инновациялық дамуды іске асыруда, Қазақстандағы барлық өндіріс салаларында инновациялық олқылықтарды жеңу мәселелері орын алады. Онда 2000 жылмен салыстырғанда жалпы ішкі өнімнің өсуін 3,5 есе, оның энергия сыйымдылығын 2 есе кеміту және еңбек өнімділігін 3 есе арттыру көзделген.     

Осы дамудың құрамдас бөлігі, тұрғын үй құрылысының 2005-2007 жылдарға белгіленген  мемлекеттік бағдарламасы болып  табылады. Тұрғын үй бағдарламасы – Қазақстан 2030 жылдарға дейінгі даму стратегиясын іске асырудағы кезекті маңызды қадамы. Осы бағдарламаны іске асыру жақын арада Қазақстанды нағыз құрылыс алаңына айналдырып, құрылыс индустриясын қарқынды өсіруге мүмкіндік береді.     

Қала  құрылысының жоспарланған алып көлемдері, тұрғын үй қорларының толық жабдықталуы  және қалалар мен тұрғын мекендерінің сәулеттік келбеттерін жақсарту, сәулетшілер мен құрылысшылардың қызметін молайтады. Ол қоғамдағы экономикалық,саяси және интеллектуалды дамудың нәтижесі ретінде, ұлттық  материалды, көркемдік және рухани мәдениеттің өрбімелі бір бөлшегі болып қала береді.     

Құрылыс материалдары мен ғимараттар және құрылыстық сәулет – көркемдік бейнесінің өзара  байланысы – сәулет өнері дамуының бір маңызды мәселесі. Ғимараттар мен құрылымдық конструкциялардың негізін қалай отырып, олар нақты қызметтік және әсемдік мақсаттарға сай келетін міндеттерді орындай үшін,қолдану кезінде құрылыс материалдары сәулеттік шығармашылыққа тән маңызға ие болады.      

Демек, біз осындай материалдар  мен олардың негізінде алынған  конструкциялардың беріктігі мен  тұрақтылығын жақсарту және материалдар  шығынын төмендету мен экономикалық көрсеткіштерін жақсартуды қамтамасыз ету бағытында жұмыс істеуіміз  қажет. Ол үшін бұл жұмысқа жаңа жоғарғы  тиімді құрылыс материалдарын ойластыру  мен өндіру негізінде 

сәулетшілердің  қатысуы қажет-ақ. Олардың міндеті материалдардың әсемдік, дизайндық көрсеткіштері мен кострукциялардың түрлерін анықтау мен бағалау болып табылады. Ол үшін сәулетші құрылыс материалдар мен оларды өндіру технологиясына қойылатын талаптар туралы толық түсінігі болу керек. Мұның өзі,талдау нәтижесінде, құрылыс жұмыстары мен ғимараттардың сәулеттік көріністерін жақсартады.   
  
  

Қолданылған әдебиеттер тізімі 

1. Канаев  В. К. Новая технология строительной керамики. – М.:                                                       Стройиздат, 1990. – 264 с.: ил. – (Наука – строит. пр-ву).
2. Наназашвили И. Х. Строительные материалы, изделия и конструкции: Справочник. – М.: Высш. шк., 1990. – 495 с.: ил.
3. Керамические материалы / Г. Н. Масленникова, Р. А. Мамаладзе,     С. Мидзута, К. Коумото; Под. Ред. Г. Н. Масленниковой. – М.: Стройиздат, 1991. – 320 с.: ил.
4. Бурлаков Г. С. Основы технологии керамики и искусственных пористых заполнителей. Учебник для ВТУЗов. – М.: ВШ., 1972 – 424 с.
5. Новая технология керамических плиток. Под. Ред. В. И. Добужинского. М., Стройиздат, 1977. 228 с.
6. Машины и оборудование для производства керамических и силикатных изделий. М., ЦНИИТЭстроймаш, 1977.
7. Нагибин Г. В. Технология строительной керамики. Учебн.  Пособие для техникумов, Изд. 2-е перераб. М., «Высш. школа», 1975. 280с. с ил.
8. Үдербаев С. С. Құрылыс материалдары: қасиеттері және өндірілуі. Оқу құралы. – Қызылорда, «Тұмар», 2007 ж, - 208 бет.
9. Сәулеттік материалтану. Жоғары оқу орындарындағы сәулеттік және құрылыс мамандықтары студенттеріне арналған оқулық/ Авт. А. Кулибаев, У. Бишімбаев, Е. Қасымов, Қ. Бисенов. – Алматы: ИздатМаркет, 2006. – 504 бет.