Қазақстанда Кеңес Өкіметі орнауының тарихнамасы

    Т.Рысқұловтың 1984 жылы Таңдамалы шығармаларында былай делінген: «Егер Түркістан пролетариат құрылысында Кеңес өкіметінен өзгесі келсе, оны толық күйреу күтіп тұр. Біз езіп жаншылған Шығыстың еңбекші халқы өзіміздің қолымыздан Кеңес Өкіметін жібермеуіміз керек. Біз Кеңес Өкіметі билігі идеясын Хиуа мен Бұхара жұмысшыларының арасында таратуға тырысуымыз керек» деп мәлімдейді./6/

Біз Алаш партиясы өкілдері еңбектерін оқи  келе, олардың Кеңес Өкіметі орнығуына  толық қарсылығын көреміз. Ұлт зиялылары  өэдерінің ғылыми еңбектерінде және мақалаларында көрсетілгендей, Кеңес өкіметінің қазақ даласында антидемократиялық сипаттағы билігін, оның зорлықшыл түрінде орнағандығын және оның күшпен таңылғандығын дәріптейді. 

     Ал  енді Кеңес Өкіметінің тұсында жазылған, оны толықтай қолдаған қазақ тілінде жарық көрген еңбектеріне тоқталып өтсем. Соның ішінде 1967 жылы жарық көрген Т.Елеуовтың « Қазақ аулында Совет үкіметінің орнауы» деген атпен жарияланған еңбегі революцияны Ұлы Октябрь Социалистік революцмясы ретінде бағалап, Кеңес Өкіметі қарулы күреспен емес, керісінше бейбіт жолмен орнады деген пікірін білдіреді.