Бухгалтелик есеп

ТАБИҒАТТЫ АЯЛАЙЫҚ!                                                  

       

 Бізді  қоршаған табиғаттың,  яғни  орман, өзен-көл, тау жоталарының  сұлулығы кімді болмасын қызықтырып, таң қалдырары сөзсіз.      

 Өкінішке орай, соңғы  жылдары от қолданудағы  салақтықтан, табиғи  өрттің саны көбейіп отыр. Өрт қашанда  жақсылық әкелмейтіні  белгілі, ол жолында кездескен ағаш, аң-құсты  түгелдей   жойып,  соңы қайғылы оқиғаға соқтырып жатады.

Сондықтан есіңізде болсын!     

 Өртке қауіпті кезде  тыйым салынады:

• Кепкен шөбі бар жерлерде от жағуға;
• Кез келген  жерге сөндірілмей қалған шылым мен сіріңке қалдықтарын тастауға;
• Тез жанғыш заттар мен материалдарды арнайы қаралмаған жерлерде қалдыруға.

 

 

Азаматтар!   

 Табиғи өртті немесе  жану оқиғасын байқаған жағдайда  бірден өртті сөндіруге шара қолданғаныңыз жөн, ал оны өз күшіңізбен сөндіре алмаған жағдайда тез арада  «101», «112» телефондары арқылы өртке қарсы қызметке хабарласыңыз, табиғатты қорғау жолында өз үлесіңізді қосыңыз.  

 

Саяжай кооперативтерін, бау-бақша серіктестіктерін, ауылдық елді

мекендердің аумақтарын ұстау тәртібі

1. Ауылдық елді мекендердің, саяжай кооперативтерінің, бау-бақша серіктестерінің аумағында:

 

        1) өрт шыққан жағдайда адамдарға  хабарлау үшін дыбыстық сигналдар  (сирена, қоңырау, қоңыраулы рельс бөліктері) арнайы бұйымдар орнатылуы және өрт сөндіру мақсатында су қоры құрылуы қажет;       

2) жазғы маусымда әрбір  тұрғын үй ғимаратының жанында  жиынтық су қоры кемінде 200 литр сыйымдылық немесе өрт  сөндіргіш болуы қажет;       

3) жанғыш қалдықтардың үйінділерін ұйымдастыруға жол берілмейді. Пайдаға асырылмаған қалдықтар мен қоқыстарды тұрғын үй ғимараттары мен жатақханалардың, саяжай кооперативтерінің, бау-бақша серіктестіктерінің, гаражда және ашық алаңдардың аумақтарында (қоқыс өткізгішпен жабдықталмаған) арнайы жабдықталған орындарында жабылатын қақақтары бар метал сыйымдылықтар орнатылады. Сыйымдылықтар бетондалған немесе асфальтталған алаңдарда ғимараттар мен құрылыстардан кемінде 25 метр қашықтықта орнатылады.

1. Саяжай кооперативінің, бау-бақша серіктестігінің аумағында әр 20 учаскеге бір қалқан есебімен өрт қалқандары орнатылады.
2. Су тегеуріні мұнараларында, сондай-ақ жазғы уақытта пайдаланылатын су өткізу жүйелерінде (диаметрі 100 миллиметр және одан астам) әрбір 120 метр сайын өрт шыққан жағдайда өрт техникасымен су алуға арналған бұйымдар қарастырылады. Бұл бұйымдар жарамды күйде ұсталады.
3. Саяжай кооперативінің, бау-бақша серіктестігінің күзетшісінің қасында жақын орналасқан төтенше жағдайлар органының (бөлімшесінің) екі телефон нөмірі және нақты мекенжайы көрсетілген тақтайша ілінеді.
4. Саяжайларды, бақшалық үйлерді ұзақ уақытқа жапқан кезде электр желісі ток көзінен ажыратылады, газы бар баллондардың бұрамалары (клапандары) тығыз жабылады.
5. Ауылдық жердегі тұрғын үй құрылыстары шатырға жететін жалғамалы сатылармен, ал шатырда оның басына дейін жететін сатымен жабдықталады.
6. Жазғы маусымда құрғақ, ыстық және желді ауа-райында ауылдық елді мекендер мен кәсіпорындарда, саяжайлық ауылдарда, бақшалық жерлерде от жағуға, белгілі учаскелерде өрт қаупі бар жұмыстарды жүргізуге, пеш, асханалық ошақ пен қатты отынмен жұмыс істейтін қазандық қондырғыларын жағуға жол берілмейді.
7. Елді мекендер мен жеке орналасқан объектілер өртке қарсы қызметіне өрт туралы хабарлау үшін жарамды телефон немесе радио байланысымен қамтамасыз етіледі.

 

 

Өрт немесе басқа да төтенше жағдайлар кезінде «101», «112»

телефондарына хабарласыңыздар 

 

Құрметті  тұрғындар!

Тұрғын үйлердегі және пәтерлердегі өрт оқиғалары көбінесе сол үйлерде тұрып жатқан тұрғындардың кінәсінен болып жатады. Сұрапыл апатты құбылыс жылдар бойы жиылған мүліктерді аяусыз жойып, адамдарға қайғы-қасірет әкеледі. Көбінесе оттың құрбаны болып өртке себепші өздері, олардың көршілері, балалары болып жатады.

Өртті болдырмау үшін Сізге мынадай өрт қауіпсіздігі

ережелерін сақтаған жөн:

• Электр және газ құралдарын қосулы күйінде қалдырмаңыз, сондай-ақ оған балаларды жақындатпаңыз;
• Уақытша және зақымдалған электр өткізгіш сымдарын пайдаланбаңыз;
• Электресептегіштердегі электрсақтандырғыштар зауыттан дайындалған болуы тиіс;
• Үлкен  көлемдегі электр құралдарын бір уақытта қосып электр жүйесіне күш түсірмеңіз;
• Газдың кеміп қалуын тексеру үшін ашық отты қолданбаңыз;
• Сіріңкені балалардың қолы жетпейтін жерде сақтаңыз;
• Бөлмені жылытуға бейберекет қолдан жасалған электржылытқыш құралдарын қолданбаңыз;
• Балалардың отпен ойнауына жол бермеңіз және оларды қараусыз қалдырмаңыз;
• Өрт және жану оқиғасы болған кезде тез арада телефон арқылы «101», «112»-ге хабарласыңыз.

 

 

Есіңізде сақтаңыз!

Қазақстан Республикасы «Өрт қауіпсіздігі туралы» Заңының 24 бабына сәйкес Қазақстан Республикасының азаматтары өрт қауіпсіздігінің талаптарын сақтауға міндетті.

Өрт қауіпсіздігі ережесін сақтау - сіздің үйіңіз бен мүлкіңізді оттан қорғайды!  

 

СЕН ЖЕР СІЛКІНІСІНЕ ДАЙЫНСЫҢ БА?

Жер сілкінісіне дайындықтың отбасылық жоспары

1. Пәтеріңіздің / үйіңіздің сызбасын дайындаңыз және онда отбасыңыздың барлық мүшелерімен бірге мыналарды көрсетіңіз:

.  қауіпті  орындарды;

.  қауіпсіз орындарды;

.  шығу жолдарын;

.  газды, суды, электр  энергиясын өшіру үшін крандардың орналасқан жерлерін;

. үйден тез арада көше қалған  жағдайда әзірленіп қойылған дәрі-дәрмектердің, құжаттардың, сөмкелердің  тұрған жерін.

1. Әрбір 3 ай сайын отбасыңыз мүшелерімен жер сілкіні болған жағдайда аман қалу үшін үйіңіздің қауіпсіз орындарында жаттығулар өткізіңіз.
2. Жер сілкіністің болу жағдайына үйіңіздің барынша қауіпсіз болуын қамтамасыз етіңіз: төсек-орындарды терезелерден алшақ қойып, қауіпті материалдарды қауіпсіз жерде сақтаңыз, өтпелі жолдарды жауып тастамаңыз, салмағы ауыр жиһаздарды қабырғаға және еденге бекітіп қойыңыз, жоғарғы сөрелерді ауыр заттармен толтырмаңыз.
3. Үйден шұғыл көшу жағдайына қажетті заттарды сөмкеге жинастырып, оны әрдайым бір орында сақтаңыз. Сөмкеге мына заттарды салыңыз: маңызды құжаттардың (паспорт, туу туралы куәліктер, көлікке, үйге, жерге иелік ету құқын растайтын құжаттар, сақтандыру полистері, СТН  мен зейнетақы қорларының және т.б. тіркеу бланкілері) көшірмелері, отбасыңыздың мүшелеріне қажет болатын қолшам мен қосалқы батареялары бар радиоқабылдағыш, алғашқы жәрдем қобдишасы мен дәрі-дәрмектер, артық шұлықтар мен жылы киімдер, жамылғы немесе көрпе, қалам мен қағаз, алғашқы 1-3 күнге жетерлік ауызсу мен  айнымайтын тағамдар, артық көзілдіріктер (қажет болса), егер кішкентай балалар болса, олардың ойыншықтары мен арнайы заттарын, сабын мен бірінші кезекте қажетті санитарлық-гигиеналық заттарды алуды ұмытпаңыз.
4. Егер жер сілкінісі Сіз үйіңізде жоқта болған жағдайда, барлық отбасы мүшелеріңізбен қай жерде кездесетіндеріңізді және үйде ұзақ уақыт болмайтын кезде әрқайсыңызға қандай арнайы медициналық дәрі-дәрмек қажет болатындығын талқылаңыздар.
5. Көршілеріңізбен жер сілкінгенде бірлесіп жасайтын қимылдарыңызды келісіп алыңыз. Балаларыңызға жерсілкініс кезінде ересектер қастарында болмағанда не істеу керектігін түсіндіріп қойыңыз.
6. Зілзала  болған жағдайда өзіңіз туралы хабар беретін,  тұратын елдімекеннен тысқары жерлердегі жақындарыңыздың  мекен жайы мен телефонын жазып қойыңыз.
7. Жер сілкінісінен кейін мынадай іс-әрекеттер қажет болатынын ұмытпаңыз:

.     жаралылар мен  үйінділер астында қалғандарды іздеуге көмектесу;

.     балалар мен өздігінен әрекет жасауға  қабілеті жоқ адамдарға көмектесу;

.     қөршілердің жәй-күйін тексеру;

.     отбасыңызды 3-5 күндік азық-түлікпен қамтамасыз ету; ыстық тамақ әзірлеу;

.     ішек ауыруларының алдын алу үшін санитарлық-гигиеналық жағдайды сақтау;

.     үй жануарларына күтім жасау.                                    

ҚАМСЫЗ ҚАЛМАҢЫЗ! 

 

Жер сілкінісіне дейін: 

Алдын ала дайындап, оңай жерге қойылған сөмке немесе арқаға асатын дорбаның ішінде мыналар болуы керек:

. Құжаттар

. Үш күнге жетерлік  тамақ пен су

. Алғашқы медициналық  көмек көрсетуге арналған қорапша  мен дәрі-дәрмектер

. Электр қол шамы  мен сіріңке

. Жылы киім мен аяқ  киім.

Жер сілкінісі кезінде:

. ең бастысы: өзіңіз  де   үрейленбеңіз, басқаның да дүрлігіне ермеңіз.

. егер жер сілкінісі  әлсіз болса, қорықпаңыз, тұрған  жерде аяқталуын күтіңіз. Қатты  жер сілкінісі (дүмпу күші бес  балдан жоғары болса) кезінде:

Үй  ішінде болсаңыз:

. қабаттар саны екіден жоғары болса, үйден шықпаңыз

. ішкі қабырғаның қауіпсіз тұсында, үйдің бұрышында, есік жақтауларының ортасында, тіреуіш колонналардың жанында тұрыңыз, (ванна) ішіне жатыңыз

. керует пен стол асты сізді құлаған заттар мен опырылған сынықтардан қорғайды. Терезелер мен ауыр жиһаздан алыс тұрыңыз

. лифті пайдаланбаңыз.

Егер көшеде болсаңыз:

. үйлерден, электр бағаналарынан  аулақ тұрыңыз, үзілген электр  сымдарына жақындамаңыз

. үй жанымен жүгірмеңіз, ішіне кірмеңіз.

Егер сіз автокөлік ішінде болсаңыз:

. ашық жерден кетпеңіз, автокөліктен шықпай дүмпулердің тоқтауын күтіңіз

Жер сілкінуі кезінде топырақ қабатының қозғалуынан болатын адам құрбаны өте сирек. Жер сілкінуі кезінде ең басты қайғылы оқиғаларға ұрындыратындар:

. үйлердің  бөліктерінің құлауы

. сынған әйнектердің  құлауы

. электр сымдардың үзіктері

. үйдегі ауыр заттардың  құлауы

. өрттер

. үрейленген адамдардың  өз іс әрекеттеріне есеп бермеуі.

Жер сілкінісінен кейін:

.  мұқтаждарға алғашқы медициналық көмек көрсетіңіз

. қосымша  жабдықты қажет етпейтін жағдайларда-зардап шеккендерді үйінділерден босатып алыңыз

. радиоқабылдағышты қосыңыз

. мүмкіндігінше су  мен газды жабыңыз, электр жүйесін  өшіріңіз

. ашық отты пайдаланбаңыз

. жер сілкінісі кезінде  ішінде болған үйден шығарда  абай болыңыз

Сақтықтың алдын алу шараларын бұлжытпай орындасаңыздар, қайғылы қаза санын азайтуға болады.

 

ЖАДНАМА 

Көпқабатты үйлер мен жатақханалардың тұрғындарына өрт қауіпсіздігі ережелерін сақтау бойынша

1. Тұрғын үй пәтерлері мен жатақхана бөлмелерінде жарылыс, өрт қауіпі заттар мен материалдар қолданылатын және сақталатын әр түрлі шеберханалық және қоймалық үй-жайларды орнатуға, сондай-ақ оларды басқа мақсаттағы үй-жайлар үшін жалға беруге жол берілмейді.
2. Пәтерлер мен тұрғын үй бөлмелерінде:

 

        1) тез тұтанатын және жанғыш  сұйықтықтарды, газ баллондарды  балкондар мен лоджияларда сақтауға;               

2) төсек-орында шылым  шегуге;               

3) балкондар мен лоджиялардан  темекі тұқылын лақтыруға;               

4) плитада дайындалып  жатқан тамақты қараусыз қалдыруға  жол берілмейді.     

3.  Техникалық қабаттарды, техникалық орындарды, желдеткіш камераларын, бойлерлік орындарды, лифтілер мен шатыр үй-жайларының машина үй-жайларын тікелей мақсатынсыз (қойма, мұрағат, сондай-ақ басқа мақсаттағы үй-жайлар ретінде), сондай-ақ жанғыш материалдарды сақтау үшін пайдалануға жол берілмейді. Осы үй-жайлардың есіктері құлыппен жабылады, олардың кілттері тәуліктің кез келген уақытында алу үшін белгілі бір, қол жетімді, тәулік бойы кезекші персонал болатын жерде болады.     

4.  Жатақханаларда (тұрғын үй-жайлардан басқа) темекі шегуге арналған орындар «Темекі шегуге арналған орын» деген жазумен, жанбайтын материалдардан жасалған урналармен немесе темекі тұқылын салғыштармен жабдықталады.      

5. Газ өткізгіштерден, газ баллондардан және қатып  қалған құбырларды қыздыру аспаптарынан, инженерлік коммуникациялардан газдың ағуын байқау үшін ашық отты пайдалануға жол берілмейді. Қатып қалған құбырларды, жабдықты инженерлік коммуникацияларды қыздыру ыстық сумен, бумен және қызған құммен жүргізіледі.

Өрт кезіндегі іс әрекеттер тәртібі

Өрт немесе жану оқиғасының белгісі байқалған кезде (түтіндеу, жану иісі, температураның көтерілуі) әрбір азаматқа:

• тез арада 101 немесе 112 телефоны арқылы өртке қарсы қызметке хабарлау (объектінің мекен жайын, өрттің шығу орнын, сондай-ақ өзінің аты-жөнін хабарлау);
• мүмкіндігінше адамдарды және құнды заттарды қауіпсіз орынға көшіру, өртті сөндіруге тиісті шаралар қабылдау;
• өртке қарсы қызмет бөлімшелерін келуін күтуді ұйымдастыру және өрт сөндіру көліктерінің өрт орнына ең жақын жолдармен келуіне жәрдем беру қажет.

ЕСТЕ САҚТАҢЫЗДАР! ӨРТТІ СӨНДІРГЕННЕН АЛДЫН АЛУ ОҢАЙ.

joomla templates

joomla