Салыстырып тексеру сұлбалары

14. Тексеруді  аккредиттеу жөніндегі орган  қалыптастыратын топпен жүзеге  асырылады. Тексеру жөніндегі  топ кемі үш адамнан тұруы  қажет, топ басшысы ретінде  құжаттарға сараптама жүргізген  аккредиттеу жөніндегі сарапшы-аудитор  тағайындалады.

Тексеру жөніндегі  топтың құрамына келісім бойынша:

өлшем бiрлiгiн  қамтамасыз ету жөніндегі мамандар;сәйкестікті  растау жөніндегі сарапшы-аудиторлар, техникалық сарапшылар, мемлекеттік  органдардың және басқа ұйымдардың мамандары өтінім берушінің өтінім берген қызмет саласы бойынша кіруі  қажет.

15. Тексеру  тексеру туралы шешім қабылдаған  күнді есептемегенде он жұмыс  күнінен кем емес мерзімде  жүргізіледі.

16. Өз  жұмысының нәтижесі бойынша Тексеру  жөніндегі топ өтінім берушінің  аккредиттеу талаптарының сәйкестігіне  бағалау есебін құрайды. Есеп  топ басшысымен оның мүшелерінің  барлық ескертулерін есепке ала  отырып, екі данада жасалады және  барлық топ мүшелері қол қояды.  Есептің бір данасы өтінім  берушіге, ал екінші данасы аккредиттеу  жөніндегі органға беріледі.

17. Тексеру  жөніндегі топтың есебімен келіспеген  жағдайда өтінім беруші аккредиттеу  жөніндегі органға өзінің ескертулерін  жазбаша нысанда ұсына алады.

18. Тексеру  жөніндегі топтың есебі негізінде  және олар болған жағдайда  өтініш берушінің ескертулерін  есепке ала отырып, аккредиттеу  жөніндегі орган басшысы бес  жұмыс күнінен аспайтын мерзімде  мына шешімдердің біреуін қабылдайды:

1) жиналған материалдарын  аккредиттеу жөніндегі комиссияға (бұдан әрі - комиссия) тапсыру  туралы;

2) өтінім берушінің  анықталған сәйкессіздіктерді жоюы  туралы.

19. Өтінім беруші  тексеру барысында анықталған  сәйкессіздіктерді жояды және  аккредиттеу жөніндегі органға  шешімнің көшірмесін алған күннен  бастап жиырма жұмыс күні ішінде  кемшіліктерді жойғаны туралы  хабарлайды, содан кейін аккредиттеу  жөніндегі орган қайта тексеруді  жүргізеді. Тексеру мерзімі өтінім  берушіні тұрғылықты орны бойынша  тексеру жөніндегі топтың келген  кезін есептемегенде, бес жұмыс  күнінен аспауы тиіс.

Сәйкессіздіктерді жою мерзімін аккредиттеу жөніндегі  орган өтінім берушінің себептер көрсетілген жазбаша өтінімі  бойынша екі айдан аспайтын уақытқа  ұзартады.

Белгіленген мерзімде анықталған сәйкессіздіктерді жоймау, егер ол еңсерілмейтін күшпен шарттасылған болмаса Шартты бұзуға негіз болады.

20. Комиссия  материалдар келіп түскен кезінен  бастап, жиырма жұмыс күнінен  аспайтын мерзімде оларды қарап,  шешім қабылдайды.

Комиссия шешімдері  оның мүшелерінің басым көпшілігінің дауысымен қабылданады.

21. Комиссия  шешімі негізінде аккредиттеу  жөніндегі орган басшысы бес  жұмыс күні ішінде өтінім берушіні  аккредиттеу туралы немесе аккредиттеуден  бас тарту туралы шешім қабылдайды.

Оң шешім  қабылданған күнді есептегенде  жеті жұмыс күні ішінде аккредиттеу  жөніндегі орган басшысымен өтінім берушінің аккредиттеу саласы бекітіледі, содан кейін осы Ереженің 10 қосымшасына  сәйкес мазмұны және нысаны бойынша  аккредиттеу аттестаты мен бір  құжаттар жиынтығы беріледі.

Комиссияның теріс  шешімі жағдайда өтінім берушіге құжаттар жиынтығы мен дәлелді бас тарту  жібереді, шарт бұзылады.

22. Аккредиттелген  субъект аккредиттеу аттестатының  аяқталу мерзімінен алты ай  бұрын аккредиттеу жөніндегі  органға кезекті аккредиттеу  туралы өтінім береді. Кезекті  аккредиттеу осы Ереженің 5-21-тармақтарына  сәйкес жүргізіледі.