Мектеп және өндіріс

1 - сабақ жоспары

Күні________________

Сыныбы: 1"Ә"

Пәні: дүниетану

Мұғалімі: Жамантаева Г.Н.

Сабақтың тақырыбы: Мектеп ұжымы.

Сабақтың мақсаты:

1. Мектеп ұжымына кіретін адамдарды анықтау.

Міндеттері:    

• Мектеп ұжымымен танысады;
• Дұрыс ойлай және қорытындылай білуге үйренеді;
• Адам еңбегін сыйлауға тәрбиеленеді;
• Өз ой-пікірін білдіреді.

Сабақтың типі: жаңа білімді меңгерту.

Сабақтың түрі: аралас сабақ.

Сабақтың әдісі: Суретті болжау, Джигсо, Топтастыру   әдісі.

Сабаққа қажетті  құралдар мен көрнекіліктер:

1. Құралдар: интерактивті тақта, компьютер, А1 форматты қағаз, т.б.
2. Көрнекіліктер: слайтты көрсетілімдер, қима қағаздар, мәтіндік тапсырмалар, баспасөз материалдары.

Пәнаралық байланыс: өзін-өзі тану.

Сабақтың жоспары:

1. Қызығушылықты ояту.

Сәлемдесу, түгелдеу, топқа бөлу,

-Қане, балалар, шеңбер құрайық.

Амансың ба, Алтын күн?!

Амансың ба, Көк аспан?!

Амансың ба, Жер-ана?!

Амансың ба, достарым

Сіздерді көрсем қуанам!

-Балалар, біз бір-бірімізбен  қалай сөйлесуіміз керек?

-Жақсы, жылы.

2. Жаңа сабақ.

Мозайка арқылы топқа бөліп  отырғызамын. 4-топ құрылады.

"Рубрикалық  сұрақ" стратегиясы.

• Мектеп асханасы жайлы не білесіңдер?
• Мектеп кітапханасы жайлы не білесіңдер?
• Мектеп спорт залы жайлы не білесіңдер?
• Мектеп мәжіліс залы жайлы не білесіңдер?

Сағат тілі бойынша әр топ  өз ойларын жазып шығады. Топ мүшелерінің  арасынан бір оқушы жауаптарды оқып, түсіндіріп шығады.

Оқулықтығы суретпен жұмыс.

Болжау сұрақтары:

• Суретте қандай көрініс көрсетілген? Неге олай ойлайсың?
• Сендер мектептегі сынып ұжымына кіресіңдер ме? Қалай ойлайсыңдар? (топпен талдау)

Мәтінмен жұмыс.

"Джигсо" стратегиясы.

Мәтінді 5 бөлікке бөліп, жанұя тобына таратып беру. Жұмысшы тобында талдау жүргізеді. Қайта жанұя тобына оралып, мәтін бөліктерінің мазмұнын топ мүшелеріне түсіндіреді. Әр топтың мүшесі өз түсінгендері бойынша мәтіннің мазмұнын айтады.

3. Жаңа сабақты бекіту.

-Мектеп ұжымында кімдер жұмыс істейді? Атап шық.

-Мектепті кім басқарады?  Неліктен олай ойлайсың?

-Сынып ұжымына кімдер  кіреді? Ойыңмен бөліс.

4. Үй тапсырмасын беру.

Сен сыныптың тазалығына, тәртіп сақтауына қандай үлес қосасың? Сол  жайлы ойланып кел.

5. Оқушы әрекетін және сабақ барысын бағалау.

• Түсіндіреді, мысал келтіреді, өз сөзімен баяндайды - 1 балл.
• Топта белсенді қатысады, көмектеседі - 2 балл.
• Өзінің көзқарасын жеткізеді және оны пікір-таласта дәлелдей алады - 3 балл.

 

      6. Кері әсер парағы.

1. Бүгін мен не үйрендім?
2. Маған не ұнады/ұнамады?
3. Жаңа сабақ бойынша сұрақ немесе пікірің...

Күтілетін нәтиже:

Топпен бірігіп жұмыс  жасайды. Өз ойын жеткізеді.