«Қазгермұнай» компаниясы туралы

«Қазгермұнай» компаниясы туралы

 

     «Қазгермұнай» компаниясы Қазақстан Республикасына Германиядан инвестициялар тарту мақсатында 1993 жылы құрылды. Қазгермұнайдың Құрылтай шартына сәйкес, ол Ақшабұлақ, Нұралы және Ақсай кен орындарында 2024-жылдың 1-наурызында бітетін 30 жыл мерзімге барлау мен өндіруді жүзеге асыруға арналған эксклюзивті құқықтар мен лицензиялар алды.

     Қазгермұнай компаниясы өзінің қызметін Ақшабұлақ, Нұралы және Ақсай кен орындарында  жүзеге асырады. Қазгермұнайдың мұнай  кен орындары 897 шаршы километр алаңды алып жатыр. 2010 жылғы 31 желтоқсандағы жағдай бойынша олардың дәлелденген және болжамды қорлары 24 миллион тонна (180 миллион баррель) мұнай құрады.

     2010 жылы Қазгермұнайдың өндіру көлемі 3,1 миллион тонна (тәулігіне 65,4 мың барр.) шикі мұнай (3,2 миллион тонна (тәулігіне 67,5 мың барр.) өндірілген 2009 жылға қарағанда 3%-ға артық ) құрады.

Жалпы ақпарат

• «ҚазМұнайГаз» Барлау Өндіру» акционерлік қоғамы («ҚМГ БӨ» немесе «Компания») «Өзенмұнайгаз» АҚ («ӨМГ») және «Ембімұнайгаз» АҚ-ның («ЕМГ») бірігуі жолымен 2004 жылдың наурызында құрылды. ҚМГ БӨ «ҚазМұнайГаз» Ұлттық Компаниясы» АҚ-ның еншілес компаниясы болып табылады.
• ҚМГ БӨ-нің акциялары Қазақстанның Қор биржасында, ҒДҚ – ғаламдық депозитарлық қолхаттары Лондонның Қор биржасында листингтен өтті. 2006 жылдың қыркүйегінде ІРО кезінде Компания 2 миллиардтан астам АҚШ долларын тартты.
• ҚМГ БӨ 2008 жылы Қазақстанда мұнай өндіру деңгейі бойынша екінші орынға шықты.
• Қазақстандағы мұнай өндіру. «ҚазМұнайГаз» Барлау Өндіру» АҚ – Қазақстандағы мұнай өндіру көшбасшыларының бірі. Компания мұнайды Қазақстанның батыс және оңтүстік аймақтарында өндіреді.
• Бүгінде ҚМГ БӨ активінде 2007-2010 жылдары жасалған сатып алуларды қоспағанда, 41 кен орны бар. Олардың ішінде ең ірісі мұнай өндіру 1965 жылдан бастап жүргізіліп келе жатқан Өзен кен орны болып табылады.
• 2010 жылдың соңындағы жағдай бойынша ҚМГ БӨ негізгі активтерінде (ӨМГ және ЕМГ) мұнайдың дәлелденген және болжамды қорлары 232 миллион тоннаны (1 707 миллион баррельді) құрады. 2010 жылдың деңгейіндегі мұнай өндіру қарқыны жағдайында қорлардың еселілігі 26 жылды құрайды. ҚМГ БӨ-нің Қазақстанда мұнай өндіруде жүз жылдық тәжірибесі бар және елдің Батыс аймағындағы кен орындарының геологиялық құрылымы саласында кең көлемді мағлұматқа ие.
• ҚМГ БӨ Компания экспортының басым бөлігін қамтамасыз ететін Өзен-Атырау-Самара (ӨАС) құбыр желісі мен ҚМГ БӨ үшін мұнай берудің неғұрлым пайдалы бағыты болып табылатын Каспий Құбыр желісі Консорциумы (ҚКҚ) құбыр желісіне кепілдікті кіруге мүмкіндік беретін келісім жасады.
• Мұнай сату «ҚазМұнайГаз» қайта өңдеу және маркетинг» АҚ арқылы жүзеге асырылады.
• Мұнай экспорты 2010 жылы берудің жалпы көлемінен 79%-ды құрады.
• Жаңа активтерді сатып алу Компания стратегиясының негізгі элементі болып табылады. 2007 жылдың сәуірінде Компания «Қазгермұнай» БК ЖШС-дағы үлестердің 50 %-ын сатып алды. 2007 жылдың желтоқсанында өндіру көлемін арттыруға мүмкіндік берген және мұнай қорының айтарлықтай өсуін қамтамасыз еткен CCEL-дағы («Қаражанбасмұнай» АҚ) үлестердің 50 %-ын сатып алды.
• Барлау активтерін сатып алу ҚМГ БӨ-нің гелогиялық барлау саласындағы жаңа стратегиясын білдіреді: Компания 2010 жылдың қыркүйек айында «СапаБарлау Сервис» ЖШС-ін (кейіннен ҚМГ БӨ барлау активтері» ЖШС деп аталды, бұдан, әрі – «ҚМГ БӨ БА») және «НБК» ЖШС-ін, 2011 жылдың наурыз айында Федоровский блогын зерттеуге лицензиясы бар «Ural Group Limited» АҚ-ның 50 %-ын, сондай»-ақ 2011 жылдың сәуірінде Темір, Теріскен, Өзен-Қарамандыбас, Қаратон-Сарықамыс барлау блоктарын сатып алды.
• ҚМГ БӨ өзіне әлеуметтік әріптестікті, білім беру жобаларын, демеушілікті және Компанияның қызметкерлері мен олардың отбасыларын қолдауды қамтитын көп жоспарлы әлеуметтік бағдарлама әзірледі және оны ойдағыдай іске асырып келеді. Өзінің өндірістік қызмет аймақтарында қоршаған ортаны қорғау жөніндегі жауаптылық та Компанияның негізгі басымдығы болып табылады.

Компания  тарихы

1911

Қазақстанда мұнай өндіру басталды.

1991

Кеңес Одағынан еншіге тиген мұнайгаз активтеріне  иелік ететін «Қазақстанмұнайгаз»  мемлекеттік корпорациясы құрылды.

1991-2002

мұнайгаз  секторындағы жеке операциялардың үлестері артты: мемлекетке тиесілі активтер ҚМГ ҰК-ге (2002 жылы құрылған) берілді.

1997

ЕмбіМұнайГаз (ЕМГ) мен ӨзенМұнайГаз (ӨМГ)-дегі өзіне  тиесілі акцияларды мемлекет «ҚазақМұнай» ЖАҚ-қа – Қазақстанның Ұлттық мұнай  компаниясына берді.

2002

2002 жылдың  ақпанында «ҚазақМұнай» ҰМК мен  «Мұнай және газ тасымалдау»  ЖАҚ ҰК-ны біріктіру жүргізілді, сөйтіп ҚМГ ҰК құрылды.

2004

2004 жылдың  наурызында ЕмбіМұнайГаз ААҚ  мен ӨзенМұнайГаз ААҚ-ны қосудың  нәтижесінде «ҚазМұнайГаз» Барлау  Өндіру» АҚ компаниясы құрылды.

2005

• кен орындарын  барлау, игеру мен мұнай және газ  өндіру жөніндегі мақсатты компания құру мақсатында активтерді қайта құрылымдау
• Атырау МӨЗ-дегі бақылаушы акциялар пакетін сату (2005 ж. желтоқсан).
• мұнайхимия секторындағы үлестерді 50%-дан 15%-ға дейін қысқарту (2005 ж. желтоқсан).

2006

     2006 жылдың қыркүйегінде ҚМГ БӨ  өзінің акцияларын қор рыногында  бастапқы жариялы орналастыруды:  акцияларды Қазақстан Қор биржасына  орналастыруды, сондай-ақ ғаламдық  депозитарлық қолхаттарды (ҒДҚ) Лондонның Қор биржасына орналастыруды жүргізді.

2007

     2007 жылдың сәуірінде «ҚазМұнайГаз»  Барлау Өндіру» АҚ «Қазгермұнай»  БК ЖШС-дағы 50% үлесті сатып алды. 2007 жылдың желтоқсанында «ҚазМұнайГаз» Барлау Өндіру» АҚ CCEL «Қаражанбасмұнай» компаниясындағы үлестің 50%-ын сатып алды.

2008

     ҚМГ ҰК, ҚМГ БӨ және «Би Джи Групп» барлау және өндіру салапсындағы ынтымақтастық  келісіміне қол қойды. Келісімде Қазақстан Республикасының және басқа елдердің жекелеген учаскелерінде көмірсутегі қорларының әлеуетін бірлесіп зеттреудің принциптері белгіленді. Компаниялар мұнай және газ өндіру саласындағы болашағы бар жобаларға бірлесіп қатысудың мүмкіндіктерін анықтау мақсатында ынтамақтасып қызмет атқаратын болады.

2009

• Желтоқсан айында Компания ПетроҚазақстан Инк. Компаниясындағы 33 % үлесті сатып алу жөніндегі мәмілені аяқтады.
• Standard&Poor’s халықаралық рейтинг агенттігі ҚМГ БӨ-ге «GAMMA-6» деңгейіндегі GAMMA корпоративтік басқару рейтингін берді.

   2010

• ҚМГ БӨ шілде  айында «Қазақойл Ақтөбе» ЖШС-нің (ҚОА) 50 %, «Қазақтүрікмұнай» ЖШС-нің (ҚТМ) 51 %, "Маңғыстаумұнайгаз" АҚ 100 % акцияларына иелік ететін Mangistau Investments B.V (“MIBV”) 50 % үлесін сатып алу туралы ҚМГ ҰК-мен келісімге келгенін жариялады. Мәміле реттеуші органдардың мақұлдауына жатады.
• Қыркүйек айында Компания «СапаБарлау Сервис» ЖШС-ін (кейіннен ҚМГ БӨ барлау активтері» ЖШС деп аталды, бұдан, әрі – «ҚМГ БӨ БА») және «НБК» ЖШС-ін сатып алды.

   2011

• Наурыз  айында ҚМГ БӨ Федоровский блогын зерттеуге лицензиясы бар «Ural Group Limited» АҚ-ның 50 %-ын сатып алды
• Сәуір айында Компания ҚМГ ҰК-дан Темір, Теріскен, Өзен-Қарамандыбас, Қаратон-Сарықамыс барлау блоктарын сатып алды.

Компания  қызметі

«ҚазМұнайГаз» Барлау Өндіру» АҚ Қазақстан  Республикасының Ұлттық мұнайгаз компаниясы - «ҚазМұнайГаз» Ұлттық Компаниясы»  АҚ-ның (ҚМГ ҰК) еншілес компаниясы болып табылады.

Компания  «Өзенмұнайгаз» ААҚ (ӨМГ) мен «Ембімұнайгаз» ААҚ-ны (ЕМГ) қосу жолымен 2004 жылдың наурызында құрылды. 2006 жылдың соңында капиталды  Лондон мен Қазақстанның Қор биржаларына  табысты орналастырғаннан кейін сатып алу саясатын кеңінен ойластырып өмірге енгізудің, негізгі активтерге инвестициялар салу бағдарламасының және шығыстарды оңтайландыру жөніндегі тиімді шаралардың нәтижесінде ҚМГ БӨ ішкі рыноктарда да, халықаралық рыноктарда да өзінің ұстанымдарын айтарлықтай нығайтты. Тәуелсіз сарапшылардың бағалауы бойынша Компанияның негізгі активтерінде (ӨМГ және ЕМГ) 2010 жылдың 31 желтоқсанындағы жағдай бойынша шамамен алғанда 232 миллион тонна (1 707 миллион баррель) мөлшеріндегі дәлелденген және болжамды мұнай қорларын қамтиды.

«ҚазМұнайГаз» Барлау Өндіру» АҚ Қазақстанда құрылықтағы  өзінің көмірсутегі шикізаты қорларынан мұнай, табиғи және ілеспе газ өндіруші болып табылады. Компания сондай-ақ қорлар базасын сақтау және дамыту үшін барлау жұмыстары бағдарламасын белсенді іске асырады.

ҚМГ БӨ активінде 2007-2010 жылдары жасалған сатып  алуларды қоспағанда, Батыс Қазақстанда 41 кен орны бар. Компанияның негізгі  өндірістік активтері 2010 жылы өндірудің  жалпы деңгейі тәулігіне 177 мың баррель мұнай болған екі өндірістік филиалы: Өзенмұнайгаз (ӨМГ) мен Ембімұнайгаз (ЕМГ) болып табылады. Өзен кен орны – ҚМГ БӨ-нің негізгі активтері қоржынындағы ең ірісі, оның үлесіне барлық қорлардың 73%-ы мен өндірілген өнімнің барлық көлемінің 68%-ы тиесілі.

ҚМГ БӨ-нің  негізгі міндеттерінің бірі көмірсутектері қорларының өсуін қамтамасыз ету  болып табылады. Бұл өсу жаңа активтерді сатып алудың, геологиялық барлау жұмыстарының және негізгі кен орындарында  өндіруді оңтайландырудың нәтижесінде  мүмкін болмақ.

Компанияның ӨМГ және ЕМГ кен  орындарындағы стратегиясы –  жұмыс істеп тұрған ұңғымаларды  жөндеудің, жаңа ұңғымаларды бұрғылаудың  және пайдалануға қосудың, сондай-ақ қабаттардың мұнай беруін арттыру  әдістерін қолданудың есебінен таяу жылдары қол жеткізілген өндірудің ұтымды деңгейін ұстап тұру. Одан басқа мұнай және тоғытпалы ұңғымалар қорын ұстап тұру, Жаңа ұңғымаларды бұрғылау арқылы жаңа ұңғымаларды іске қосу, ұңғымаларды күрделі жөндеу, ұңғымаларды жерасты жөндеу, жерасты құралдарын химиялық реагенттермен профилактикадан өткізу өткізу кен орындарында мұнай өндіруге арналған жұмыстардың оңтайлы кешені іске асырылып жатыр.

Компания  қызметінің басымдықты бағыттарының бірі – барынша ұтымдылық және орта мерзімді келешекте операциялық  және күрделі шығындарды оңтайландырудың есебінен тиімділікті арттыру. Бұған Компанияның бейіндік емес және қосалқы активтерін сатудың, озық технологияларды енгізудің және халықаралық стандарттардың талаптарына сәйкес келудің нәтижесінде қол жеткізілетін болады.

Компанияның бар кен орындарын дамыту бағдарламасын орындаудың ҚМГ БӨ-нің одан әрі қарыштап өсуі үшін шешуші мәні бар.

Технологиялар

     Компанияның тиімділігін арттырудың және оның акционерлік  құнының өсуінің шешуші элементі ретінде Компания өндірісті жетілдіруге  және қазіргі заманғы технологияларды енгізуге инвестицияларды қарастыруда.

     ҚМГ БӨ өндіріс саласында кен орындарын  игеру жүйесін оңтайландыру, жөндеуаралық кезеңді ұзарту және құбыр желілерінің  жұмыс істеуі мерзімін арттыру тұрғысында жұмыс істейді. Бұл мәселелерді модельдендірудің қазіргі заманғы әдістерін қолданудың, неғұрлым жетілдірілген жабдықтар мен материалдарды пайдаланудың, автоматтандыруды енгізудің есебінен шешуге болады. Өндірістік циклдың тиімділігін арттырудың тағы бір бағыты – жер бетіндегі инфрақұрылымдарды, атап айтқанда, мұнай жинау және дайындау пункттерін жетілдіру.

Компания  өндіріс саласында ғана емес, өз қызметінің басқа салаларында да тиімділікті арттыруға ұмтылуда. Осылайша материалдық-техникалық қамтамасыз ету мен маркетинг процестерінің  басым бөлігі жетілдірілді не жетілдіру процесінде.

     ҚМГ БӨ инновациялық, қалдығы аз және қуат үнемдеуші технологияларды инвестицияландырады.

     Қазіргі заманғы технологияларды енгізе отырып, Компания бұл жұмыстың экологиялық  салдарын да ұмытпайды. Өндірісті жетілдіруге инвестициялар қоршаған ортаға зардап келтірместен еңбек өнімділі мен пайда деңгейін арттыруға мүмкіндік береді.

Тасымалдау  және сату

     Қазақстан бар жағынан дерлік құрылықпен қоршалған, сондықтан да экспорттың өсіп келе жатқан көлемі жағдайында көліктік инфрақұрылымдарды жетілдіру мәселесі маңызды болып қалады. Соңғы жылдары бұл саладағы қызмет айтарлықтай жанданып келеді.

     Бас Компаниямен тығыз қарым-қатынас  ҚМГ БӨ-ге құбыр желісі инфрақұрылымына  сенімді қол жеткізуді қамтамасыз етеді. ӨАС және КҚК мұнай желілері Компания үшін негізгі экспорттық бағыттар болып табылады. ҚМГ БӨ Атырау МӨЗ-ге ірі өнім беруші болып табылады. Қазгермұнай Қазақстан-Қытай құбыр желісі бойынша мұнай береді.

     Ұзақтығы 1 500 км болатын Өзен-Атырау-Самара құбыр  желісі (ӨАС) Компания экспортының басым бөлігін қамтамасыз етеді. Қара теңіздің Новороссийск портына дейін созылып жатқан ұзақтығы 1 500 км Каспий Құбыр желісі Консорциумы мұнай құбыры ҚМГ БӨ мұнайын жеткізудің неғұрлым пайдалы бағыты. Сондықтан да ҚМГ БӨ ол арқылы мұнай беру үлесін арттыра түсуге ұмтылып отыр.

     2005 жылдың желтоқсанында Қазақстан  мен Қытайдың арасында ұзындығы 1 000 км. Атасу-Алашаңқай құбыр желісі  іске қосылды. Құбыр желісінің өткізу қабілеті жылына 10 миллион тоннаны (тәулігіне 202 мың баррелді) құрайды және таяудағы болашақта екі есеге арттырылуы мүмкін.

     2006 жылдың шілдесінде Каспий және  Жерорта теңізін тікелей жалғастыратын,  өткізу қабілеті жылына 50 млн. тонна (тәулігіне 1 млн. баррель) тұңғыш құбыр желісі пайдалануға берілді. Баку-Тбилиси-Джейхан құбыр желісі Әзірбайжандағы Бакуден Түріктің Джейхан айлағына дейін барады. Бұл Қазақстанда өндірілетін мұнай үшін транзиттік мүмкіндіктерді кеңейте түсетін тағы бір бағыт.

     Келтірілген мысалдар көрші елдерге тәуелділікке қарамастан Қазақстан мұнайдың экспорттық рыноктарына кіруді диверсификациялауға  және ұдайы үдете түсуге ұмтылып  отырғанын көрсетеді. Бұл ретте КМГ БӨ-нің өзінің бас компаниясымен қарым-қатынасы Компанияға ҚМГ ҰК-ге тиесілі көлік инфрақұрылымдарына кепілдікті қол жетімділігі болуға мүмкіндік береді.