Аудан көркемөнерпаздарының өнер байқауын өткізу туралы

 

 

 

 

 

 

 

 

Абай ауданы әкімінің  «___» қаңтар 2013 жылғы №_____

 

ШЕШІМІ

 

 

Аудан көркемөнерпаздарының

өнер байқауын өткізу туралы

 

      Қазақстан  Республикасының 2006 жылғы 15 желтоқсан №207 санды «Мәдениет туралы» Заңының 9 бабына, Қазақстан Республикасы Президентінің Жолдауында белгіленген «Мәдени мұра» бағдарламасын жүзеге асыру бағытында Ұлы Абайдың даңқты ақын шәкірті, жазушы,сазгер Ш.Қүұдайбердіұлының туғанына 155 жыл толуына орай ұлттық өнер мен  мәдениетті дамыту, жас ұрпақты отансүйгіштік пен қазақстандық патриотизм сезімдерін қалыптастыру мақсатына сәйкес ШЕШЕМІН:

1. «Бұл ән-бұрыңғы әннен өзгерек» тақырыбымен аудан көркемөнерпаздарының байқауы өткізілсін.
2. Байқаудың өту кестесі (қосымша №1) және оның ережесі (қосымша №2) бекітілсін.
3. Байқауға баға беретін қазылар алқасының құрамы бекітілсін                      (қосымша №3).
4. Ауыл әкімдері мен  мектеп,мекеме басшыларына байқауға мұқият әзірлікпен, ұйымдастырушылықпен келу, оған ел ішіндегі өнерлі,талантты жастарды кеңінен іріктеп қатыстыру міндеттелсін.
5. Аудан көркемөнерпаздарының өнер байқауына басшылық жасау аудандық мәдениет және тілдерді дамыту бөлімінің бастығы Ә.Мырзақасымға,байқау барысын бұқаралық ақпарат құралдары арқылы жариялау мен насихаттау аудандық ішкі саясат бөлімінің бастығы Ж.Екібаев пен  «Абай елі» газетінің редакторы С.Нұртазинаға жүктелсін.
6. Осы шешім қол қойылған күннен бастап күшіне енеді.

 

 

Аудан әкімі                                                                                 Т.Мүсәпірбеков

 

 

 

 

 

 

                                                                                Аудан әкімінің

                                                                                                   «___» қаңтар 2013 жылғы

                                                                                                        №___ шешіміне №1 қосымша                                                                                        

 

 

 

«Бұл ән-бұрыңғы  әннен өзгерек» атты аудандық көркемөнерпаздар байқауының өту КЕСТЕСІ:

 

АҚПАН, 2013 жыл

 

15 ақпан - Абай мектеп лицейі

16 ақпан- Қарауыл гимназиясы

22 ақпан- Абай колледжі

23 ақпан- Қасқабұлақ ауылдық округі

 

НАУРЫЗ, 2013 жыл

 

1 наурыз- Көкбай ауылдық округі

2 наурыз- Қарауыл ауылдық округі

8 наурыз- Кеңгірбай би ауылдық округі

9 наурыз- Саржал ауылдық округі

15 наурыз-Құндызды ауылдық  округі

16 наурыз-Архат ауылдық  округі

23 наурыз-Тоқтамыс ауылдық  округі

29 наурыз-Медеу ауылдық  округі

30 наурыз-Ж.Кәрменов атындағы  балалар саз мектебі (байқаудан  тыс).

 

 

 

 

 

 

 

 

 

 

 

 

 

 

 

 

 

 

 

 

 

 

 

                                                                                Аудан әкімінің

                                                                                                   «___» қаңтар 2013 жылғы

                                                                                                         №___ шешіміне №2 қосымша      

 

 

 

                                                                                 

 

«Бұл ән-бұрыңғы әннен  өзгерек» тақырыбымен өтетін көркемөнерпаздардың  аудандық байқауының

ЕРЕЖЕСІ

 

І. Байқаудың мақсаты мен міндеттері:

 

     Қазақстан Республикасы  Президентінің «Қазақстан 2050 Старатегиясы-қалыптасқан  мемлекеттің жаңа саяси бағыты»  Жолдауында белгіленген «Мәдени  мұра» бағдарламасын жүзеге асыру,  ойшыл-ақын, данышпан-философ,жан-жақты өнер иесі Ш.Құдайбердіұлының туғанына 155 жылдығын лайықты деңгейде атап өтуге үлес қосу.

    Осы шаралар аясында  аудан экономикасы мен әлеуметтік дамуын жақсарта түсіп,өнер мен мәдениетті өркендету, жас ұрпақ бойына ұлттық намыс пен сананы орнықтыру,халықтар достығы мен қазақстандық патриотизм сезімдерін қалыптастыру;

   Халықтық әдет-ғұрыпты, дәстүрді  сақтау,өткенге құрмет тұрғысында  Ш.Құдайбердіұлының асыл мұраларын  халық арасында насихаттау,өнер  мен мәдениетті көтеру;

   Ауданда көркемөнерпаздар  шығармашылығын одан әрі дамытуға қажетті жағдайлар жасау.Ауыл тұрғындарын,әсіресе,жастарды көркемөнерпаздар шығармаларына кеңінен қатыстыру;

   Көркемөнерпаздар шығармашылығының  барлық түрлерін одан әрі дамыту.Жаңа  шығармашылық ұжымдар құру және  олардың орындаушылық шеберліктері мен кәсіби деңгейін жақсарту;

   Ауданда салауатты өмір  салтын қалыптастыруға тікелей  әсер ететін мәдени-көпшілік шараларының  көркемдік деңгейін көтеру.

 

ІІ Өтетін орны мен уақыты:

 

      Байқау аудандық  мәдениет үйінде 2013 жылдың ақпан-наурыз аралығында, әр аптаның жұма күні сағат 16.00-де,сенбі күні сағат 15.00-де өткізіледі.

 

ІІІ Байқаудың өтуіне басшылық:

      Байқауды ұйымдастыру мен жалпы басшылықты ауданның мәдениет және тілдерді дамыту бөлімінің қатысуымен аудан әкімі аппараты жүзеге асырады.

 

ІV Байқауға қатысушылар:

А) Ауылдық округтер:

1. Кеңгірбай би

2.Көкбай

3.Құндызды

4.Медеу

5.Саржал

6.Тоқтамыс

7.Қасқабұлақ

8.Архат

9.Қарауыл

 

Ә) Мекемелер:

1. Абай атындағы мектеп-лицейі

2.Қарауыл гимназиясы

3.Абай колледжі

4.Ж.Кәрменов атындағы балалар саз мектебі (байқаудан тыс).

 

Б) Мектеп оқушылары байқаудың төрт түріне қатыстырылады (хор,оркестр,қазіргі заман биі және қолөнер бұйымдарының көрмесі).

    Ереже бойынша байқаудың  басқа түрлеріне мектеп оқушылары   қатыстырылмайды. Егер мектеп оқушылары қатысқан болса, ұпай саны кемітіледі.

 

V Байқаудың шарттары мен бағалау тәртібі:

      Байқауды бағалауды  аудан Әкімі шешімімен бекітілген  арнайы қазылар алқасы жүргізеді.  Ережеде көрсетілген өнер түрлеріне  қазылар алқасының әрбір мүшесі  жеке баға береді.

 

VІ Байқауды өту реті мен оған қойылатын талаптар:

 

І бөлім. «Халық ұлы-Шәкәрім». Ш.Құдайбердіұлының өмірі мен шығармалары бойынша театрландырылған көрініс. (ұзақтығы 10-15 минут).

 

ІІ бөлім. «Бұл әнбұрыңғы әннен өзгерек». Концерттік бөлім.

Көрсетілетін өнер түрлері:

1. Фольклорлық ансамбль (15 адамнан кем болмауы тиіс);
2. Фольклордық ансамбльдің сүйемелдеуімен бір ән орындау;
3. Эстрадалық топ (5 адамнан кем болмауы керек және жанды дауыс,жанды музыка);
4. Дәстүрлі ән (Әміре,Ағашаяқ,Біржан,Әсет,Мәди,т.б әндері);
5. Жанұялық ансамбльдің әндері (5 адамнан кем емес,өз сүйемелдеуімен, ән-би);
6. Би байқауы: Ұлттық би (жігіттер,қыздар.Мысалы: «Қара жорға»);

                            Қазіргі заман биі 

                            Классикалық би үлгісі(балдық билер)

7. Жергілікті сазгерлердің туған ел мен жер туралы жазған әндері (дуэт:ұстаз-шәкіртімен);
8. Аспаптық шығарма (жеті, он адамнан тұратын домбырашылар ансамблі);
9. Балалар хоры (Туған жер,Отан,Атамекен,Қазақстан туралы. Құрамы 30 адамнан кем болмауы керек);
10. Көркем сөз оқу. (Шәкәрім шығармалары бойынша);
11. Ардагерлер ансамблі (Ұмыт болған әуендер тақырыбында:сыңсу,беташар,жар-жар,жыр жырлау,бесік жыры,т.б);
12. Қыздар тобы(квартет);
13. Ұлдар тобы (трио)-Шәкәрім әндері және еркін тақырыпта;
14. КТК (әзіл-қалжың орнымен,әдептілік,ізеттілік тұрғысында);
15. «Жыр жырлайды ақындар»-Абай,Шәкәрім,Туған жер тақырыбында өз шығармаларын оқу;
16. Хор. (Отан,Қазақстан,Туған жер тақырыбында).

 

*** Ескерту:  Концерттік бағдарлама көрініспен қоса есептегенде 1 сағат 30 минуттан аспауы керек!

                       Сондай-ақ, сахнаға бір орындаушы  екі реттен артық шықпауы шарт.

 

ІІ бөлім. «Қолөнер-халық  мұрасы» тақырыбы бойынша байқауға қатысушы ұжымдар қолөнер түрлерінен (сурет,мүсін,тері,былғары,тоқыма,зергерлік бұйымдар,т.б) көрме  ұйымдастыруы тиіс.

 

 

VІІ Байқауды бағалау:

 Байқау талаптары 10 балдық жүйемен бағаланады.

Оның ішінде:

1. Концерт бойынша жанр түрлеріне бөлек баға беріледі;
2. Жүргізушілер өнері бағаланады;
3. Көркемөнерпаздар  киіміне баға қойылады;
4. Қолөнер көрмесіне баға қойылады.

 

VІІІ Бағдарламаны тапсыру:

     Әр өнер ұжымына жауапты ауыл әкімдері мен мекеме басшылары байқау бағдарламасын (7 дана) аудандық мәдениет және тілдерді дамыту бөліміне 3 күн қалғанда әкеліп өткізуге міндетті.

 

ІХ Байқаудың өту  мерзімін анықтау:

 

   Байқаудың өту мерзімі жеребе арқылы анықталады. Әр ауылдық округ пен мекемелер өкілдерінің қатысуымен жеребе тартылады.

 

Х марапаттау тәртібі:

    Ең жоғары өнер көрсеткен ауыл, мекеме ұжымдары үздік өнер номинацияларына ие болып, аудан әкімінің дипломдары мен бағалы сыйлықтарымен марапатталады.

    «Үздік» деп танылған  қолөнер көрмесіне  атаулы  сыйлықтар беріледі.

     Бас жүлде алған  өнер ұжымы –«Халықтық өнер  ұжымы» атағын алу үшін жоғары  тұрған мәдениет орындарына ұсынылады.

 

 

 

 

Аппарат басшысы                                                                                                        С.Мұқажан

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

                                                                               Аудан әкімінің

                                                                                                   «___» қаңтар 2013 жылғы

                                                                                                         №___ шешіміне №2 қосымша      

 

 

Байқауға баға беретін қазылар алқасының құрамы:

 

 

 

Е.А.Лдибаев-         Аудан әкімінің орынбасары

                                              (алқа төрағасы)

 

МҮШЕЛЕРІ:

 

Ә.М.Мырзақасым- аудандық мәдениет және тілдерді дамыту бөлімінің бастығы;

 

Ұ.Б.Сағадиев-         аудандық ішкі саясат бөлімінің бас маманы;

 

Қ.О.Нүкішев-         аудандық саз мектебінің директоры (келісімімен);

 

Д.Қ.Қабдолдин-    аудандық «Абай» халық театрының режиссері (келісімімен);

 

С.З.Нұртазина-       «Абай елі» газетінің редакторы (келісімімен);

 

Н.Б.Танаубаев-       «Нұр Отан» ХДП Абай аудандық филиалы төрағасының бірінші

                                   орынбасары (келісімімен).

 

 

 

 

Аппарат басшысы                                                                                              С.Мұқажан

 

 

 

 

 

 

 

 

 

 

 

 

 

 

 

 

 

 

 

 

 

 

 

«Аудан көркемөнерпаздарының өнер байқауын өткізу туралы»

 

 

Абай ауданы әкімдігі шешімінің  жобасына

КЕЛІСУ ПАРАҒЫ

 

Жобаны дайындаушы: Мәдениет және тілдерді дамыту бөлімінің  бастығы	Ә.М.Мырзақасым 2013 жылғы «____»___________
Шешімнің жобасын енгізеді:
Аудан әкімінің орынбасары	Е.А.Лдибаев 2013 жылғы «____»___________
Міндетті келісім минимумы:
Аудан әкімі аппаратының басшысы	С.Б.Мұқажан 2013 жылғы «____»___________
Ұйымдастыру,кадр және мемлекеттік  құқықтық жұмыстар бөлімінің меңгерушісі	Н.М.Сағындықова 2013 жылғы «____»___________
Мәтіннің дәлме-дәлдігіне  және ресімдеу мен келісу сараптамасын жүргізген: Аудан әкімі аппараты кеңсесінің меңгерушісі	Д.Маратұлы 2013 жылғы «____»___________

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Абай ауданы әкімінің  «Аудан көркемөнерпаздарының өнер байқауын өткізу туралы» шешімінің жобасына

 

Түсіндірме жазбахат

 

№	Көрсетуге қажетті мәліметтер	Мемлекеттік әзірлеуші органның ақпараты
1	Жобаның атауы	«Аудан көркемөнерпаздар байқауын өткізу туралы»
2	Мемлекеттік әзірлеуші орган	Абай ауданының мәдениет және тілдерді дамыту бөлімі
3	Жобаны қабылдау қажеттілігі	Қазақстан Республикасының 2006 жылғы 15 желтоқсан №  207 санды «мәдениет туралы» Заңының 9 бабына, Қазақстан Республикасы Президентінің Жолдауында белгіленген «Мәдени мұра» бағдарламасын жүзеге асыру
4	Болжалынған әлеуметтік-экономикалық немесе шешімді шығарған жағдайдағы құқықтық салдар	жоқ
5	Жобаны іске асырумен байланысты болжалынған  қаржылық шығындар	Жергілікті бюджет есебінен бөлінетін  қаржы мөлшерінде
6	Жобаны қабылдау жағдайында	Аудан әкімінің «Аудан көркемөнерпаздар байқауын өткізу туралы» шешімінде көрсетілген мерзімде қамтамасыз ету
7	Мемлекеттік орган басшысының құзырына кіретін,жобада көрсетілген сұрақтар бойынша рұқсатнаманың болмау себептері	жоқ
8	Жобада қарастырылған сұрақтар жөнінде бұрын  қандай нормативтік-құқықтық актілер қабылданғаны және әзірлеуші  оларды қалай орындағаны туралы мәліметтер	жоқ
9	Бұрын қабылданған актілерді соңынан  жобаға сәйкес келтіру қажеттілігі	жоқ
10	Басқа мәліметтер	жоқ