Терроризмді тудыратын негізгі факторлар

    Түптеп  келгенде, Ислам дінінің ланкестіккке қарсы күресте жетістікке жетерлік қайнар көздері мен діни жетекшілері  бар. Алайда қазіргі батыс әлемі бұларды мойындап, оларға өз ойларын айтуға жол ашып, олардың көзқарастарын кеңінен таратпаса, онда өзін мұсылмандықтын жалғыз дұрыс өкіліміз деп жүрген ат төбеліндей қарақшы, қаныпезер топтардың Исламды жауыздық діні етіп көрсетуі тоқтамайды.

    Терроризімді  болдырмау үшін зайырлы біліммен қатар діннің негіздерін, оның әдептілік  қағидалары мен көркем мінез құлыққа  бастайтын негізгі принциптерін үйретуге тиіспіз. Сондықтан ғасырлар бойы ата-бабамыздың қабылдап, салт-дәстүрімізге дейін сіңісіп кеткен Ислам дінінің негіздері осы салада маманданған кадрлар тарапынан мектептен бастап жоғарғы оқу орындарында оқытылуы қажет. Олай болмаған жағдайда халықтың кері тартпа күштердің ықпалына түсіп кетуі бек мүмкін.

    Діннің  ешқашанда соғыспен жайылмағанын және жайыла да алмайтынын, қазіргі болып жатқан оқиғалардан мұсылмандардың ешнәрсе де ұтпайтындығын, қайта керісінше саясаттың ойыншығына айналып, Исламның таза келбетіне күйе жағатынын әр нәрсені сабырлықпен, парасаттылық пен қажеттілігін айтуымыз қажет.

    Ислам – бейбітшілік пен рақым діні. Мұсылман- жер бетіндегі тыныштық пен сенімділіктің шынайы өкілі. Ислам тарихына үңілген  кезде  Пайғамбарымыздың қай жағдайда да қоғам  бірлігі мен тыныштықтың сақталуына баса мән беріп, кез келген дін  иелерімен келіссөз жасап, ымыраластыққа қол жеткізіп, ислам дінінің бейбіт түрде дамуына жағдай жасағанын көреміз. Онсыз да Пайғамбарымыздың кезеңінде исламға лек-легімен кіру Хұдайбиядағы он жылға жасалған бейбіт келісімнен кейін жүзеге асқан-ды.