Бюджет жоспарлау

Бюджет жоспарлау

 «Өзіңе  сен, өзіңді алып шығар, Еңбегің  мен ақылың екі жақтап» –  деп, Абай атамыз

айтқандай отбасының  әл-ауқаты өзіміздің қабілетімізге, еңбекқорлығымызға және барды ұқсата алу икемділігімізге байланысты.

Қаржылық мақсаттарды таңдау

• Егер сіз өз қаржылық жоспарыңызды дұрыс құра алсаңыз, ұзақ жылдарға қаржылық табысқа жетесіз.
• Сіз ертең немен айналысқыңыз келеді? Бұл сұраққа жауап беріп, сіз алдыңызға қысқа мерзімді міндет қоясыз.
• Жету үшін жыл немесе одан ұзақ уақыт қажет болатын мақсаттар бар – мысалы, демалысқа немесе аздаған қарыздарды төлеуге қаражат жинау.
• Қысқа мерзімдерге әдетте екі жылдан бес жылға дейінгі мерзімді мақсаттарды жатқызады. Ұзақ мерзімді мақсаттар бес жылдан астам – ұзақ мерзімге қаржылық жоспарларды құруды талап етеді. Ұзақ мерзімді мақсатқа, мысалы жоғары білім алуға қаражат жинауды жатқызуға болады.

Сіздің қаржылық мақсаттарыңыз нақты, өлшемді, қолжетерлік, мәнді, уақыт бойынша анықталған болуы қажет.

Нақты мақсат  – дұрыс қойылған мақсаттар әрқашан нақты және келесі іс-әрекеттерді айқындайды. Мысалы: мотороллер сатып алуға жеткілікті ақша жинау (жай ғана ақша жинауды бастау емес).

Өлшемді мақсат – алдыңызға қойған мақсатқа жету үшін нақты не істеу қажет екенін, сондай-ақ жоспарыңызға жетуге қаншалықты жақындағаныңызды түсіну қажет. «Ақшам көп болсын» деген сияқты мақсаттың жүзеге асуы екіталай. Мұндай тұманды тұжырымдар соншалық бұлыңғыр, тіпті сіздің өзіңіз оған жеткен жетпегеніңізді байқай алмай қаласыз. Мысалы: мотороллер 72000 теңге тұрады, ал сізде 36000 теңге бар, – демек, тағы да 36000 теңге жинау қажет.

Қолжетімді мақсат – сіздің келесі әрекеттеріңіз нақты мүмкін болуы қажет. Мысалы: мен бұл мақсатқа жету үшін бір жыл қажет екенін білемін.

Мәнді мақсат – алға қойылған мақсаттар дұрыс мағынаға сай болуы қажет. Сіздің қажеттіліктеріңізге жауап бермейтін мақсатқа жету үшін күш салудың қажеті жоқ. Мысалы: сізге 20 футболка сатып алу үшін ақша жинау керек емес.

Уақыт бойынша айқын мақсат – белгілі бір күні көздеген мақсатқа жетуге тырысыңыз. Мы-салы: мото маусымының ашылуы сәуірде, демек мен мотороллерге алты ай ішінде ақша жинауым қажет.

Сурет мына жерден алынды